জম্মু-কাশ্মীৰৰ কুলগাম জিলাত শনিবাৰে এক বিলাসী বাহন পথ দুৰ্ঘটনাত পতিত হোৱাৰ খবৰ আহিছে। এই দুৰ্ঘটনাত চাৰিজন যাত্ৰীৰ মৃত্যু হোৱাৰ বিপৰীতে তিনিজন লোক গুৰুতৰভাৱে আহত হয়।
দুৰ্ঘটনাৰ খবৰ লাভ কৰাৰ লগে লগে ঘটনাস্থলত আৰক্ষী উপস্থিত হৈ আটাইকেইজন আহতক উদ্ধাৰ কৰি চিকিৎসালয়ত ভৰ্তি কৰে। লগতে মৃতদেহকেইটাও মৰণোত্তৰ পৰীক্ষাৰ বাবে সমীপৰে চৰকাৰী হাস্পতাললৈ প্ৰেৰণ কৰে।
জম্মু-শ্ৰীনগৰ ৰাষ্ট্ৰীয় ঘাইপথ ৪৪ৰ নিপোৰা মিৰ বজাৰ অঞ্চলত সংঘটিত হয় এই দুৰ্ঘটনা। জানিব পৰা মতে এই দুৰ্ঘটনাত চাৰিজন যাত্ৰীৰ মৃত্যু হোৱাৰ লগতে তিনিজন যাত্ৰী গুৰুতৰভাৱে আহত হৈছে। দুৰ্ঘটনাৰ কাৰণ এতিয়াও জানিব পৰা হোৱা নাই।
দুৰ্ঘটনাৰ প্ৰকৃত কাৰণ জানিবৰ বাবে আৰক্ষীয়ে তদন্ত আৰম্ভ কৰা বুলি সংবাদ মাধ্যমক জানিবলৈ দিয়ে।
