ভয়ংকৰ বিমান দুৰ্ঘটনাত পাইলটসহ ৩ জন লোকৰ মৃত্যু হৈছে। আমেৰিকাৰ ফ্লৰিডাত সংঘটিত হৈছে এই ঘটনা। মোৱাইল ঘৰত খুন্দা মৰাৰ পিছত ভূপতিত হয় বীচক্ৰাফ্ট বোনাঞ্জা বিমানখন। বিমান দুৰ্ঘটনাটোত পাইলট আৰু ঘৰৰ ভিতৰত থকা আন দুজন লোকৰ মৃত্যু হয়। ফ্লৰিডাৰ ক্লিয়াৰৱাটাৰ টেইলৰ পাৰ্কত এই ঘটনা। বিমানখন দুৰ্ঘটনাগ্ৰস্ত হোৱাৰ পূৰ্বে ইঞ্জিনৰ বিজুতিৰ খবৰ দিছিল পাইলটগৰাকীয়ে। দুৰ্ঘটনাৰ পাছতেই দপদপাই জ্বলি উঠে বিমানখন। অগ্নি নিৰ্বাপক বাহিনীৰ লোকে তাত্ক্ষণিকভাৱে ঘটনাস্থলীত উপস্থিত হৈ জুই নিয়ন্ত্ৰণ কৰে।
