ISHAN NEWS – Always One Step Ahead of Time…

বৰপেটাত কৰুণ ঘটনা! মছজিদৰ কাষৰ গাঁতত পৰি দুই শিশুৰ মৃত্যু

0 294

বৰপেটাৰোডৰ বালাভিঠা গাঁৱত সংঘটিত হৈছে এটা অতি শোকাৱহ ঘটনা। মছজিদৰ কাষত খন্দা এটা গাঁতত পৰি দুটি শিশুৱে কৰুণ মৃত্যুক সাৱটি লৈছে।

মৃত শিশু দুটি ৰহমান আলী নামৰ লোকজনৰ ৫ বছৰীয়া পুত্ৰ আব্দুল হাবিব আৰু জীয়াৰুল ইছলামৰ ৬ বছৰীয়া পুত্ৰ আবুল হক বুলি চিনাক্ত কৰা হৈছে।

জানিব পৰা অনুসৰি, বৃহস্পতিবাৰৰ বিয়লি ৪ বজাৰ পৰা সন্ধানহীন হৈ আছিল শিশু দুটি। পৰিয়ালৰ লগতে গাঁওবাসীয়ে বিচাৰ খোচাৰ কৰে যদিও সন্ধান পোৱা নাছিল শিশু দুটিৰ৷

ইয়াৰ মাজতে নিশা শিশু দুটিৰ ঘৰৰ ওচৰৰ মছজিদৰ এটা গাঁতত শিশু দুটিৰ চেণ্ডেল ভাহি থকা দেখা পাই অনুসন্ধান চলোৱাত গাঁতটোৰ পানীত ডুব গৈ থকা দুয়োটি শিশুৰ মৃতদেহ উদ্ধাৰ কৰে পৰিয়ালৰ লোকে।

শেহতীয়াকৈ নেৰানেপেৰাকৈ আহি থকা বৰষুণৰ ফলত গাঁতটোত জমা হোৱা পানীত পৰি শিশু দুটিৰ মৃত্যু হোৱাৰ ঘটনাক লৈ অঞ্চলটোত শোকৰ ছাঁ পৰিছে।

Leave A Reply

Your email address will not be published.